KA JINGPYNBEIT RYNTIH ÏA KA RUKOM PYNLONG JINGÏASENG ÏING

KI KYNDON BA LA PYNBEIT BIANG NA KA BYNTA KI JINGÏASENG ÏING HA KI SNGI U TRAI

(La mynjur da ka Liturgy Commission bad u Bishop jong ka Diocese Nongstoin,2025)

Na ka bynta ban kyntiew ïa ka jingshimbynta bad ka jingïakren bad jingïasam lang kaba pynshong nongrim ha ka Ktien u Blei, ka Jylla Niam Nongstoin ka la phaidien biang ban pynbha ïa ka rukom pynlong jingïaseng ïing ba dang ïaid mynta. Ïa kane ka rukom pynlong jingïaseng ïing ba la pynbeit biang la mynjur da ka Liturgy Commission bad u Bishop jong ka Diocese Nongstoin.

Ka jingïaseng ïing man ka Sngi u Trai(Haba ki nongshimbynta ki dei na kajuh ka shnong ne dong):

Ka Jingpynkhreh:
1. I Chairperson(Rangbah Balang/ Nongïalam ba pynïaid ïa ka jingïaseng, lah ban dei Rangbah ne Longkmie ne Samla).
2. Nongïalam jingduwai.
3. Ka jaka ban buh bha ïa ka Baibyl, buh ruh ki mombati bad ki syntiew ba-im.
4. Ban jied ïa ka Jynthoh ban pule.
5. Baroh ki ‘riewngeit kiba leit jingïaseng ki dei ban rah ïa ka Baibyl lajong.
6. Jied arngut ki parabangeit kiba lah ban ai jingpuson halor ka Ktien u Blei (ym dei ban kren palat ïa ka ar minit).

Ki Kyndon:
1. Sdang da kawei ka jingrwai kaba ïadei bad ka Aïom Balang.
2. I Chairperson in ïathuh lyngkot ïa ka rukom pynïaid ïa ka jingïaseng.
3. Ka jingkren pdiang bad ka jingïathuh ïa ka jingbuh jingthmu ban duwai da u Kpa jong ka longïing ne iwei na ka longïing ba pdiang jingïaseng.
4. Ka jinglehburom ïa ka Ktien u Blei (Baroh kin ïeng).

- Rwai ka jingrwai baïadei bad ka Ktien u Blei.

- Ki Dkhot jong ka Longïing ki rah ïa ka Baibyl, mombati bad ki syntiew, nangta sa buh ïa ha ka jaka ba la pynkhreh lypa.

5. Ka jingkhot ïa u Mynsiem Bakhuid:

- Shim ïa ka jingduwai ha u Mynsiem Bakhuid Lynti Bneng Sla 40.

- Rwai ïa ka jingrwai ha u Mynsiem Bakhuid.

6. Ka jingpule ïa ka Ktien u Blei (Lah ban shong ne ïeng katkum ka jingkylluid ka kamra)

- I Chairperson in pynbna ïa ka Ktien u Blei ba la jied.

- Sa arngut kiwei pat, ïa kiba la dep jied lypa, kin pule biang ïa ka juh ka jingpule marbud marbud (ki nongpule ki dei ban pule suki bad shai katba kiwei pat kin pule ïa ka jar jar na ka Baibyl lajong).

7. Sngap jar shi-minit ei ei ban puson.
8. Ka jingpuson: Kito ki ar ngut ba la dep jied ban ai jingpuson kin kren mynta, mar ar minit.
9. Ka Jingrwai: Ka kham biang ban rwai da ka Psalm lane kano kano ka jingrwai baïahap bad ka jingpule.
10. Ka jingduwai ki ‘riewngeit (Baroh kin ïeng).
11. Ka jingduwai na ka bynta ka Longïing, peit na ka Lynti Bneng sla 104.
12. Duwai ïa ka ‘Ko Kpa jong ngi…’
13. Ka jingduwai pynkut: Peit na ka Lynti Bneng sla 41.
14. Ka jingkyrkhu (lada don I Bishop, Lyngdoh Sohblei ne I Dikon)
15. Ka jingrwai pynkut.

KA JINGÏASENG ÏING HA KI SNGI KI BAKYRPANG (JINGKYNTIEW-KURIM, HABA DON BAKHLAD, KI JINGLYNGKHUH SNEM, BAD KIWEI HABA KIBA ÏADON LANG KI DEI NA KIWEI KI JAKA KYNTHUP ÏA KI BYM DEI KATHOLIK)

Ka Jingpynkhreh:
1. I Chairperson(Rangbah Balang/ Nongïalam ba pynïaid ïa ka jingïaseng).
2. Nongïalam jingduwai.
3. Nongïalam jingrwai.
4. Ka jaka ban buh bha ïa ka Baibyl, buh ruh ki mombati bad ki syntiew ba-im.
5. Ban jied ïa ka Jynthoh ban pule.
6. Ban jied ïa u/ka nongpule.
7. Ban Jied ïa u nongkren ban ai jingpuson Baibyl, halor ka jingpule ba la pule. (10 minit)

Ki Kyndon:
1. Sdang da kawei ka jingrwai kaba ïadei bad ka Aïom Balang.
2. I Chairperson in ïathuh lyngkot ïa ka rukom pynïaid ïa ka jingïaseng.
3. Ka jingkren pdiang bad ka jingïathuh ïa ka jingbuh jingthmu ban duwai da u Kpa jong ka longïing ne iwei na ka longïing ba pdiang jingïaseng.
4. Ka jinglehburom ïa ka Ktien u Blei (Baroh kin ïeng).

- Rwai ka jingrwai baïadei bad ka Ktien u Blei.

- Ki Dkhot jong ka Longïing ki rah ïa ka Baibyl, mombati bad ki syntiew, nangta sa buh ïa ha ka jaka ba la pynkhreh lypa.

5. Ka jingkhot ïa u Mynsiem Bakhuid:

   - Shim ïa ka jingduwai ha u Mynsiem Bakhuid Lynti Bneng Sla 40.

   - Rwai ïa ka jingrwai ha u Mynsiem Bakhuid.

6. Ka jingpule ïa ka Ktien u Blei.
7. Ka jingkren-puson: I nongkren ba la dep jied in ai jingpuson 10 minit.
8. Ka Jingrwai: Ka kham biang ban rwai da ka Psalm lane kano kano ka jingrwai baïahap bad ka jingpule.
9. Ka jingduwai ki ‘riewngeit (Baroh kin ïeng).
10. Ka jingduwai na ka bynta ka Longïing, kaba ïahap bad ka jingjia ha kato ka longïing.
11. Duwai ïa ka ‘Ko Kpa jong ngi…’
12. Ka jingduwai pynkut: Peit na ka Lynti Bneng sla 41.
13. Ka jingkyrkhu (lada don I Bishop, Lyngdoh Sohblei ne I Dikon)
14. Ka jingrwai pynkut.

Note: I Chairperson in ong shi kyntien ar kyntien ban ïathuh katba nangïaid na kawei ka bynta sha kawei pat jong ka jingïaseng, ym dei ban palat ïa ka shi sentens. Ym donkam ban ai khublei sngewnguh ïa ki nongshim bynta(ïa nongïalam jingduwai, jingrwai, nongkren)