Instructions(Jingbthah)

A. KI JINGDONKAM NA KA BYNTA KI BAN SHIM ÏA KA SAKRAMEN JINGKYNTIEW KURIM

1. Baptisma Certificate

2. Jingpynskhem Certificate

3. Jingthoh na u Parish lada ym dei na ka Parish jong ngi.

4. Jingthoh na ki bahaïing ha sem/ Balang/ Niam lada ym dei        

    Katholik.

5. Birth Certificate.

6. EPIC.

7. Certificate na Rangbah Balang.

8. Ban wan Jinghikai-niam 3(lai) sngi.

9. Ka sngi ban pynlong ïa ka Jingkyntiew-kurim dei ban bud ïa  

    ka tarik ba la pynbeit da u Parai-niam (Parish Priest).

10. Ban bud ryntih ïa kitei haneng.

NB: Ka Jingïakren Kurim ne On Kurim Ne ïakren arliang dei ban pyndep shuwa ban don ka leit sha ka Jingtohkit,Jingïateh ktien. Ym dei shuh ban don ka jingïakren Kurim ha ka Sngi jingïathoh. 

B. Ban shim Certificate Baptisma bad Jingpynskhem na Parish Priest:

Kito kiba donkom ïa kitei ki Certifiate(syrnod) ki dei ban leit shim jingthoh shuwa na la u Rangbah Balang bad Secretary Balang Shnong/ Block.

Wanrah ruh ka Xerox jong ka EPIC (jong ka kmie bad u kpa lada mut shim certificate Baptisma) bad ka Birth Certificate ba la register ha ka sorkar jong i khun ba mut ban shim Baptisma certificate.

Ïa kane la pynbeit da I Parish Priest bad ka Parish Pastoral Council.

C. Ban ai Baptisma: Ïa ki Form bad kiwei ki jingthoh dei ban leit shim na U Rangbah Balang. 

Ka Jingbthah na I Bishop: Ka kyrteng jong u kpa ba pynkha dei ban thoh, watla ka kmie ka la shong da uwei ha ka por ba mut ban ai baptisma ïa i khun.

Ka jingshimbynta ki parabangeit ha ki Sngi burom sngi Khraw ha Parish:

Ki nongtrei Balang baroh ki la sngew khia ba don ki parabangeit jong ka Parish kim ju kham wan shim bynta ha ki Sngiburom Sngikhraw jong ka Parish la jong hynrei ki long kiba kitkhia bha ïa ka jong kiwei ki Parish ba marjan. Kane ka jingleh kam long ka babha.

 Haba don ba shitom bapang jur ha Shnong:

La ïa kut ba nangne shakhmat haba don mano mano ba shitom jur hapoh ka Balang, ki bahaïing ki dei ban ïathuh ha la ki Rangbah Balang bad ki Rangbah Balang ha u Parish Priest, khnang ba kum ka Balang kan leh ïa kaba donkam.

 Ka Baptisma ha tmier jingïap bad ha ba i-don jingma:

Ha kum kine ki khep, kito ki ba ai baptisma katkum ka rukom ai ba la bthah/ hikai, ki dei ban phah jingtip pura sha I Parish Priest.

 Ka Register(bui) buh jingthoh haba don bakhlad ha Shnong:

La pynkynmaw ban buh jingthoh hapoh la ki Balang Shnong bad ruh ban pyntip sha I Parish Priest.

Ki Jingbtah jong ka Diocese:

 Haba leit sha ka Mass Bakhuid: I Bishop jong ka Nongstoin Diocese I la bthah sha baroh ba ym bit ban bam kwai, dih duma/sikret, ne kino kino ki jingbam hashuwa ban sdang ka Mass Bakhuid, lada ka jaka long Mass ka dei ha Ïingmane Parish/ Cathedral lane long habar ha madan ha ka por jingïaseng heh. Ki paid ‘riewngeit kim dei ban pdiang ïa u Jisu ha ka Kommunion Bakhuid da ka shyntur ba dap da u kwai, ne sma duma, ne ka shyntur ba khlem pynkhuid.

 Ka por Mass: Baroh ki parabangeit ki dei ban poi ha ka Mass Bakhuid shuwa ban sdang bad kim dei ban mih na ka Mass shuwa ban rwai pynkut.

 Ka jingbym bud ïa kine ki jingbtah ka pyni ïa ka jingbym ñiewburom ïa ka jingdon u Jisu ha ka Ïukharist bad ka dei ka pop.

Jingïaseng Ïing: (1) Ha man la ki jingïaseng ïing ki Rangbah Balang ki dei ban pyndonkam ïa ka rukom KBB ha kaba ïadei ba ka jingpuson ïa ka Ktien u Blei.

(2) Man ba don jingïaseng ïing ban pule ïa ka Shithi Sharai jong u Bishop.

Synñiang Diocese: Naduh u Snem 2026 ïa u Synñiang Diocese yn sa lum noh shi sngi trei shi snem shi khlieh ba la im-nong.

Communio Sunday: Ma ka Sngi u Trai Advent 1 ka dei ka sngi u Trai Communio. Ïa u jingkynshew ha ka Mass ne Jingïaseng Sngi U Trai Khlem Lyngdoh yn sa phah sha Diocese lyngba ka Parish.

Ka jinglum jingkynshew man ka Sngi U Trai bakhatduh bnai September kan leit sha Diocese lyngba ka Parish.

 Ka Jinghikai Niam: Man la ki Balang Shnong ki dei ban don ka Jinghikai Niam da kaba phiah ïa ki ryta jong ki Khynnah ne da kaba phiah kynhun (Nuksa: pre-First Communion, First Communion, Post First Communion, Confirmation bad post Confirmation). Man la ki Balang Shnong kin hap ai Report.

Ka jingpynbeit ryntih ïa ka rukom pynlong jingïaseng ïing man la ka sngi u Trai bad ha ki sngi bakyrpang. [Click hangne]