Instructions(Jingbthah)

A. Ki Jingdonkam na ka bynta ki ban shim ïa ka Sakrament Jingkyntiew Kurim

  • Baptisma Certificate
  • Jingpynskhem Certificate
  • Jingthoh na u Parish lada ym dei na ka Parish jong ngi
  • Jingthoh na ki bahaïing ha sem / Balang / Niam lada ym dei Katholik
  • Birth Certificate
  • EPIC
  • Certificate na Rangbah Balang
  • Ban wan Jinghikai-Niam 3 (lai) sngi
  • Ka sngi ban pynlong ïa ka Jingkyntiew-Kurim dei ban bud ïa ka tarik ba la pynbeit da u Parish Priest
  • Ban bud ryntih ïa kitei haneng
NB: Ka Jingïakren Kurim ne On Kurim ne jingïakren arliang dei ban pyndep shuwa ban don ka leit sha ka Jingtohkit bad Jingïateh Ktien. Ym dei shuh ban don ka jingïakren Kurim ha ka sngi jingïathoh.

B. Ban shim Certificate Baptisma bad Jingpynskhem

Kito kiba donkam ïa kitei ki Certificate (Syrnod) ki dei ban leit shim jingthoh shuwa na la u Rangbah Balang bad Secretary Balang Shnong / Block.

Wanrah ruh ka Xerox jong ka EPIC (jong ka kmie bad u kpa lada mut shim Certificate Baptisma) bad ka Birth Certificate ba la register ha ka sorkar jong i khun ba mut ban shim Baptisma Certificate.

Ïa kane la pynbeit da I Parish Priest bad ka Parish Pastoral Council.

C. Ban ai Baptisma

Ïa ki Form bad kiwei ki jingthoh dei ban leit shim na U Rangbah Balang.

Ka Jingbthah na I Bishop: Ka kyrteng jong u kpa ba pynkha dei ban thoh, watla ka kmie ka la shong da uwei ha ka por ba mut ban ai Baptisma ïa i khun.

Ki Hukum bad Ki Jingpynbna Parish

Ka jingshimbynta ki parabangeit ha ki sngi burom sngi khraw

Ki nongtrei Balang baroh ki la sngewkhia ba don ki parabangeit jong ka Parish kim ju kham wan shim bynta ha ki sngi burom sngi khraw jong la ka jong Parish hynrei ki long kiba kitkhia ïa ka jong kiwei ki Parish ba marjan. Kane ka jingleh kam long kaba bha.

Haba don ba shitom bapang jur ha shnong

La ïa kut ba nangne shakhmat haba don mano mano ba shitom jur hapoh ka Balang, ki bahaïing ki dei ban ïathuh ha la ki Rangbah Balang bad ki Rangbah Balang ha u Parish Priest khnang ba ka Balang kan leh ïa kaba donkam.

Ka Baptisma ha tmier jingïap bad haba i-don jingma

Ha kum kine ki khep, kito kiba ai Baptisma katkum ka rukom ai ba la bthah / hikai, ki dei ban phah jingtip pura sha I Parish Priest.

Ka Register buh jingthoh haba don bakhlad ha shnong

La pynkynmaw ban buh jingthoh hapoh la ki Balang Shnong bad ruh ban pyntip sha I Parish Priest.

Ki Jingbthah jong ka Diocese

Haba leit sha ka Mass Bakhuid

I Bishop jong ka Nongstoin Diocese I la bthah ba ym bit ban bam kwai, dih duma / sikret ne kino kino ki jingbam hashuwa ban sdang ka Mass Bakhuid.

Ki paid riewngeit kim dei ban pdiang ïa u Jisu ha ka Kommunion Bakhuid da ka shyntur ba dap da u kwai, ne sma duma, ne ka shyntur ba khlem pynkhuid.

Ka por Mass

Baroh ki parabangeit ki dei ban poi ha ka Mass Bakhuid shuwa ban sdang bad kim dei ban mih na ka Mass shuwa ban rwai pynkut.

Ka jingbym bud ïa kine ki jingbthah ka pyni ïa ka jingbym ñiewburom ïa ka jingdon U Jisu ha ka Ïukharist bad ka dei ka pop.

Jingïaseng Ïing

  • Ha man la ki jingïaseng ïing ki Rangbah Balang ki dei ban pyndonkam ïa ka rukom KBB ha kaba ïadei bad ka jingpuson ïa ka Ktien U Blei.
  • Man ba don jingïaseng ïing ban pule ïa ka Shithi Sharai jong U Bishop.

Synñiang Diocese

Naduh u snem 2026 ïa u Synñiang Diocese yn sa lum noh shi sngi trei shi snem shi khlieh ba la im-nong.

Communio Sunday

Ma ka Sngi U Trai Advent 1 ka dei ka sngi U Trai Communio. Ïa u jingkynshew ha ka Mass ne Jingïaseng Sngi U Trai Khlem Lyngdoh yn sa phah sha Diocese lyngba ka Parish.

Ka jinglum jingkynshew

Ka jinglum jingkynshew man ka Sngi U Trai bakhatduh bnai September kan leit sha Diocese lyngba ka Parish.

Ka Jinghikai Niam

Man la ki Balang Shnong ki dei ban don ka Jinghikai Niam da kaba phiah ïa ki ryta jong ki khynnah ne da kaba phiah kynhun. Man la ki Balang Shnong kin hap ai report.

Ka Jingpynbeit Ryntih ïa ka Rukom Pynlong Jingïaseng Ïing
Ka RITI Treikam jong ka Parish

Comments

Post a Comment

Popular posts from this blog

Faith Rally

Image
KHUBOR NA KA MOTHER OF COMPASSION PARISH MAWKHLAM, NONGSTOIN DIOCESE:- Dated: 24-09-2013 Ha 22 tarik 'Nailur, 2013 Ka Mother of Compassion Parish Mawkhlam ka la pynlong ïa ka Jingïaid-kynhun Phla Jingngeit ha kaba la ïashimbynta da baroh ki paid 'riewngeit jong ka Parish. Kane ka Jingîaid-kynhun Phla Jingngeit ka la sdang na ka Ïingmane Parish sha ka lynti PWD jong ka shnong Mawkhlam-Nongpyndeng da kaba rah ïa ka Diegphna, ka Baibyl, ki banner man la ki Balang shnong, ki placard bad ka jingpyrta ïa ki slogan jingngeit. La leh ïa kane kum kawei na ki  kam kum ka kynhun 'riewngeit ka Parish ban rakhe ïa u Snem Jingngeit. Hadien ba la wanphai na ka Jingïaid-kynhun Phla Jingngeit I Babu Catechist Chrispin Kharbani jong ka Pyndengrei Parish I la ai jingkren halor "ka Jingngeit". I pynsngewthuh ïa ka daw ba la buh ïa une u snem jong ka jingngeit da kaba I la pynkynmaw na ka shithi u Jakob ba ka jingngeit khlem ki kam ka long lehnohei. I la shim ruh kiwei pat ki mat n...
Read more

St. Francis de Sales Relic

Image
KHUBOR NA KA MOTHER OF COMPASSION PARISH MAWKHLAM, NONGSTOIN DIOCESE- September, 2013:- Dated: 18-09-2013 Ha 13 tarik 'Nailur, 2013 la wan rah ia ka Snap jong u Francis de Sales Bakhuid, Bishop & Doctor jong ka Balang. Ha ka por 1.30 nohsngi la pdiang burom ia une u 'riewkhuid da ki khynnah skul jong ka Don Bosco Mawkhlam lem bad katto katne ki paid 'riewngeit jong ka Balang. Ka jingwanrah ia kane ka snap jong u Francis de Sales ka long ka bynta jong ka jingrakhe ia ka jingdap 175 snem jong ka jingseng ia ka jingiasyllok 'riewniam jong ki Missionaries of St. Francis de Sales (Phadar MSFS). Te kum shibynta ban rakhe ia kane ka Jubilee, la rah ia kane ka Snap ka ba la buh ha ka Jubilee Cross, na kawei ka Parish ba trei ki Phadar MSFS sha kawei pat. Na Guwahati la rah sha Parish Umwahlang, na Parish Umwahlang sha Parish Mawkhlam, na Mawkhlam kan leit sha Parish Mawryngkneng. Bun ngut ki 'riewngeit na kylleng ki shnong bad Parish ba marjan ki la wan ban leh buro...
Read more

Fansalian Youth Mission Parish :Mawkhlam Unit

Image
Fansalian Youth Mission Parish :Mawkhlam Unit Mawkhlam 24 tarik Naiwieng(November) 2024 : Ha ka 23-24 November 2024 ka la don ka jingïakynduh lang bad ka seminar jong ka FYM MAWKHLAM UNIT. Ha ka 23 tarik lah sdang ïa ka program da ka jingkren pdiangburom na i samla Hubert Sohlangpiaw bud sa ka jingpule ïa ka ktien u Blei na i samla Banri Marweiñ bad ka jingrwai na i samla Fedas Dkhar bad I Gerry Donal khardewsaw bud ka jingkren balyngkot na i Phadar Rangbah, Fr. Nicholas Maïong bud sa ka jingkren lamphrang na i Fr. Marcelinus War I ba long I Director jong ka FYM Guwahati Province.  Hadien kane la aiti ha i Fr. Marcelinus ban pynïaid ïa ki program baroh. Ha kane ka sngi la don ki jinghikai ha kaba ïadei bad ki nongïalam bad kumno ki nongïalam ki dei ban leh bad ban im da kaba pyrthuh bud ïa ki dienjat jong u Khrist.  Ha kane ka sngi la don ruh bun ki jingïalehkai bad la ai lad ïa nongshim bynta ban ai jingkren lyngkot, bad ban shna ki drama lyngkot bad da kaba pynpaw ïa ka ha k...
Read more
Image
  KI 6 TYLLI KI AÏOM JONG KA BALANG:  Click hangne ban sngap: >  Ki 6 tylli ki Aïom ha ka Balang Mawkhlam 1 tarik Nohprah(December) 2024: Ha ka 1 tarik Nohprah 2024 ka la long ka Proseshon Ïukahrist ha ka Balang Shnong Riangpoit. Ha kane ka Balang ha India ka la buh ban long ka Sngi u Trai Communio. Kane kamut ba ha kane ka sngi baroh ki paidriewngeit kin noh synniang kylluid ha ka por jingtyrwa na ka bynta ka kam mission jong ka Balang ha Ri India. Ka Communio ka dei ka tnat treikam mission jong ka Balang ha Ri India na ka bynta kiba duk ki bakyrduh. Ha kane ka sngi, I Fr. Nicholas Maïong MSFS, Parish Priest I la batai halor jong ka jingdon ki Aïom ha ka Balang ha kaba sdang jong ka jingpynshai ïa ka Ktien u Blei ha kaba ïadei bad ka jinglehburom ïa u Jisu ha ka Ïukharist Bakhuid da ka Mass Bakhuid bad ka jingïaid Prosheson. Shahskhor ïa ka jingbatai I Fr. Nicholas: nion >  Ki 6 tylli ki Aïom ha ka Balang .
Read more

Holy Redeemer Renewal Centre Mawkhlam

Image
Mawkhlam 14 February 2015: The monthly Bible Convention on the second Saturday which falls on the 14th of February was a powerful one. The one day Retreat, Praying and inner Healing service was greater as was there in the past months. The theme of preaching the Word of God on the day was Forgiveness. To be able to forgive all those who have hurt us in one way or other. All those begin were present during the Convention received at least one grace and special Blessing from the Lord.  In the morning Sister Joe Mary was preaching the Word of God. She is a nun who is blessed with the Gift of vision - a gift from the Holy Spirit. It was a day of soul searching facilitated by the Director and Parish Priest Rev. Fr. Joby Mathew Kurikilamkattu, and Rev. Fr. Francis Peeruthel Assistant Parish Priest. The day was started with the special Rosary Procession round the Church building and Rev. Fr. Francis led the people / faithful with the Blessed Sacrament and another person carrying the...
Read more

Sngi Khristmas 2024

Image
  Ka Sngi Khristmas 2024 : Ha kane ka sngi 25 tarik Nohprah 2024, la don ka jingai Baptisma ïa 81 ngut ki khyllung bad ki khynnah ha Parish Mawkhlam. Ka jingbun jong kiba pdiang Baptism ka la long ka sien banyngkong tam. Haduh lai ngut ki Lyngdoh Sohblei ki hap ban shim bynta lang ha kane ka jingaibaptisma. Ka dei ka sngi jingkmen na ka bynta ka Parish baroh kawei. Video: 81 ngut ïoh Baptisma ha Parish Mawkhlam .
Read more